ஆளுமை:முகம்மத் ஹாஷிம் ஆலிம், முகம்மது அபூபக்கர் லெப்பை ஆலிம்

Name	முகம்மத் ஹாஷிம் ஆலிம் பாவலர்
Pages	அபூபக்கர் லெப்பை ஆலிம்
Birth	1887
Pages	1956.10.31
Place	அக்கரைப்பற்று
Category	புலவர்
இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.

முகம்மத் ஹாஷிம் ஆலிம், முகம்மது அபூபக்கர் லெப்பை ஆலிம் (1887 - 1956.10.31) மட்டக்களப்பு, அக்கரைப்பற்று, கருங்கொடித்தீவைச் சேர்ந்த புலவர். இவரது தந்தை முகம்மது அபூபக்கர் லெப்பை ஆலிம். அக்கரைப்பற்றின் பழங்காலப் புலவர் பரம்பரையின் பிரதிநிதியான இவர் ஏராளமான தனிப்பாடல்களையும் விருத்தங்களையும் சமய எழுச்சிப் பாடல்களையும் எழுதியுள்ளார்.

இவரது குடும்பமே ஆலிம்களாக இருப்பதனால் இவரது பரம்பரையினரை 'ஆலிம்' பரம்பரை என்றே மக்கள் கருதுகின்றனர். இவர் தனது சகோதரர்களுள் மூத்தவரானபடியால் 'மூத்த ஆலிம்' என்று மக்களால் அன்போடு அழைக்கப்பட்டார்.

தமிழ், ஹிந்தி, உருது ஆகிய மொழிகளில் புலமையுடைய இவர், அக்கரைப்பற்றுக் கிராம முன்னேற்றச் சங்கங்களின் சமாசத் தலைவராகி மக்களுக்கான பணிகளில் ஈடுபட்டவர்.

Resources

• நூலக எண்: 3771 பக்கங்கள் 43
• நூலக எண்: 2469 பக்கங்கள் 295-299
• நூலக எண்: 15417 பக்கங்கள் 181-183