ஆளுமை:துரைசிங்கம், சுப்பர்

பெயர்	துரைசிங்கம்
தந்தை	சுப்பர்
பிறப்பு	1939.04.08
ஊர்	கந்தரோடை
வகை	எழுத்தாளர்
இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.

துரைசிங்கம், சுப்பர் (1939.04.08 - ) யாழ்ப்பாணம், கந்தரோடையைச் சேர்ந்த எழுத்தாளர், ஆசிரியர், அதிபர். இவரது தந்தை சுப்பர். இவர் தனது கல்வியைக் கந்தரோடை தமிழ்க் கந்தையா வித்தியாலயத்திலும் சுன்னாகம் ஸ்கந்தவரோதயாக் கல்லூரியிலும் கற்றதுடன் சி. ஆறுமுகம், பவுன் சுந்தரமூர்த்தி ஆதவன், சி. பொன்னம்பலம் ஆகியோரிடமும் கற்றார்.

இவர் 1957 ஆம் ஆண்டு முதல் இலக்கியத்துறை, சமயத்துறை, நாடகத்துறை, ஒலி- ஒளி இறுவெட்டுத் தயாரித்தல், சமயம், தொலைக்காட்சித் துறை போன்றவற்றில் ஈடுபட்டுள்ளார். மேலும் இவர் பத்திற்கும் மேற்பட்ட நூல்களையும் மூன்று கவிதை நூல்களையும் எழுதியதுடன் 1960 ஆம் ஆண்டு கலா நிலையத்தை நடாத்தி அதன் மூலம் நெறியாள்கை செய்தும் நடித்துள்ளார். இவர் இசைப் பாவலர், கலாபூஷணம் ஆகிய பட்டங்களைப் பெற்றுள்ளார்.

இவற்றையும் பார்க்கவும்

• இவரது நூல்கள்

வளங்கள்

• நூலக எண்: 15444 பக்கங்கள் -32