ஆளுமை:சிவஞானசுந்தரம், சிற்றம்பலம்
| Name | சிவஞானசுந்தரம் |
| Pages | சிற்றம்பலம் |
| Birth | 1924.03.03 |
| Pages | 1996.03.03 |
| Place | கரவெட்டி |
| Category | பத்திரிகையாளர், வெளியீட்டாளர், ஓவியர் |
| இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம். | |
|---|---|
சிவஞானசுந்தரம், சிற்றம்பலம் (1924.03.03-1996.03.03) யாழ்ப்பாணம், கரவெட்டியைச் சேர்ந்த ஓவியர், பத்திரிகையாளர், பதிப்பாளர். இவரது தந்தை சிற்றம்பலம். இவர் சுமார் 45 ஆண்டுகளாக இலங்கையில் கேலிச்சித்திரத்துறையில் தனது ஆளுமையை வெளிப்படுத்தியதுடன் பல்லாயிரக்கணக்கானச் சித்திரங்களைத் தீட்டியுள்ளார். இவர் 1964 ஆம் ஆண்டில் தொடங்கிய "சிரித்திரன்" மாத இதழ் அவரது மறைவு வரை ஏறத்தாழ 32 ஆண்டுகள் தொடர்ந்தும் வெளிவந்தது.
முதன்முதலில் கொழும்பு கொட்டாஞ்சேனை சென் பெனடிக்ற் மாவத்தையில் 1964 இல் பல சிரமங்களுக்கு இடையில் சிரித்திரனை வெளியிடத் தொடங்கினார். இதனை ஏழு ஆண்டுகள் கொழும்பில் இயக்கிய பின்பு யாழ்ப்பாணம் பிறவுண் வீதியில் இருந்து வெளியிட்டார். சிரித்திரனில் பல சிறந்த ஆக்கங்களைப் பதிப்பித்தார். இவர் சுந்தர் என்ற புனைபெயரைக் கொண்டிருந்தார். இவர் சிரித்திரன் சித்திரக் கொத்து என்ற நூலையும் கார்ட்டூன் ஓவிய உலகில் நான் என்ற நூலையும் எழுதியிருக்கின்றார்.
1987 ஆம் ஆண்டில் இந்திய அமைதிப் படையினருடன் நிகழ்ந்த போரின் போது இடம்பெற்ற சம்பவங்களில் சிரித்திரன் அச்சகத்தின் சொத்துகள், அச்சகப் பொருட்கள் அனைத்தும் சூறையாடப்பட்டன. இந்நிகழ்வுடன் அவரைப் பாரிசவாத நோய் பற்றிக் கொண்டது. வலது கரம் இயங்க மறுத்த நிலையில் இடது கரத்தால் எழுதி மீண்டும் சிரித்திரன் இதழை வெளியிட்டு வந்தார். இவர் தமிழீழ விடுதலைப் புலிகளின் தலைவர் வேலுப்பிள்ளை பிரபாகரனால் மாமனிதர் விருது வழங்கிக் கௌரவிக்கப்பட்டவர்.
இவற்றையும் பார்க்கவும்
வெளி இணைப்புக்கள்
Resources
- நூலக எண்: 2970 பக்கங்கள் 24-26
- நூலக எண்: 13844 பக்கங்கள் 70-73
- நூலக எண்: 15444 பக்கங்கள் 244
- நூலக எண்: 11851 பக்கங்கள் 35-38
