ஆளுமை:வேலுப்பிள்ளை, சி. வி.

பெயர்	வேலுப்பிள்ளை
பிறப்பு	1914.09.14
இறப்பு	1983
ஊர்	வட்டகொடை
வகை	எழுத்தாளர்
இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.

வேலுப்பிள்ளை, சி. வி. (1914.09.14 - 1983) வட்டகொடை, மடக்கொம்பரைத் தோட்டத்தைச் சேர்ந்த கவிஞர், நாவலாசிரியர், தொழிற்சங்கவாதி, நாடாளுமன்ற உறுப்பினர். இவர் ஆரம்பக் கல்வியை அட்டன் மிஷனரிப் பாடசாலையிலும் உயர்கல்வியைக் கொழும்பு நாலந்தாக் கல்லூரியிலும் மேற்கொண்டார். இவர் நுவரேலியா காமினி வித்தியாலயத்தில் ஆங்கில ஆசிரியராகவும் இலங்கை இந்தியன் காங்கிரஸின் செயலாளராகவும் பதவி வகித்தவர்.

அரசியலில் ஈடுபட ஆரம்பித்த இவர், தன் ஆசிரியர் தொழிலுக்கு விடை கொடுத்து முழுநேரத் தொழிற்சங்கவாதியாகவும் இலக்கியவாதியாகவும் ஈடுபடலானார். காங்கிரஸ் தொழிற்சங்கத்தில் பணியாற்றிய வேளையில் Congress News என்ற தொழிற்சங்கப் பத்திரிகையின் ஆசிரியராகவும் இருந்தவர். அக்காலகட்டத்தில் தான் 1946 இல் "முதற்படி" என்ற சிறுநூலை எழுதினார். மலையகத்தில் வாய்மொழியாக வழங்கி வந்த நாட்டுப்பாடல்களைத் தேடித்திரிந்து பெற்றுத் தமிழகத்தின் 'மஞ்சரி' சஞ்சிகையில் 1956 இல் "தேயிலைத் தோட்டப் பாடல்கள்" என்ற தொடராக எழுதி வந்தவர். இலங்கையிலும் இந்தியாவிலும் வெளிவந்த ஆங்கிலச் சஞ்சிகைகளிலும் இவற்றை மொழிபெயர்த்து வெளியிட்டு வந்தார். "மலைநாட்டு மக்கள் பாடல்கள்" என்ற தலைப்பில் நூலாகவும் எழுதியிருந்தார்.

இவர் கதை என்னும் இலக்கிய இதழ், தொழிலாளர் தேசிய சங்கத்தின் மாவலி என்ற மாத இதழ் ஆகியவற்றின் ஆசிரியராக இருந்து செயற்பட்டார். இவர் 1961 இல் வீரகேசரியில் "காலம் பதில் சொல்லட்டும், சாக்குக்காரன் என்ற இரு சிறுகதைகளை எழுதினார். 1947 இல் சோல்பரி அரசியல் சாசனப்படி இடம்பெற்ற முதலாவது நாடாளுமன்ற தேர்தலில் மலையகத்திலிருந்து சென்ற 7 பேரில் ஒருவராக தலவாக்கலைப் பிரதேசத்திற்குத் தெரிவு செய்யப்பட்டார்.

இவற்றையும் பார்க்கவும்

• இவரது நூல்கள்

வெளி இணைப்பு

வேலுப்பிள்ளை, சி. வி. பற்றி தமிழ் விக்கிப்பீடியாவில்

வளங்கள்

• நூலக எண்: 1663 பக்கங்கள் 36-40
• நூலக எண்: 15515 பக்கங்கள் 63
• நூலக எண்: 7652 பக்கங்கள் 50-55
• நூலக எண்: 16488 பக்கங்கள் 32-36
• நூலக எண்: 2018 பக்கங்கள் 04-08
• நூலக எண்: 14681 பக்கங்கள் 47-48