ஆளுமை:சிவத்தம்பி, கார்த்திகேசு

இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.
பெயர்	சிவத்தம்பி
தந்தை	கார்த்திகேசு
தாய்	வள்ளியம்மை
பிறப்பு	1932.10.05
இறப்பு	2011.07.06
ஊர்	கரவெட்டி
வகை	எழுத்தாளர்

சிவத்தம்பி, கார்த்திகேசு (1932.10.05 - 2011.07.06) யாழ்ப்பாணம், கரவெட்டியைச் சேர்ந்த பேராசிரியர்; இலக்கிய விமர்சகர்; எழுத்தாளர்; சமூகசிந்தனையாளர். இவரது தந்தை கார்த்திகேசு; தாய் வள்ளியம்மை. ஆரம்பக் கல்வியை கரவெட்டி விக்னேஸ்வரா கல்லூரியிலும் இடைநிலைக் கல்வியை கொழும்பு சாகிரா கல்லூரியிலும் கற்றார். பேராதனைப் பல்கலைக்கழகத்தில் இளமாணிப் பட்டத்தையும் பின்னர் அதே பல்கலைக்கழகத்தில் பயின்று முதுமாணிப் பட்டத்தையும் பெற்றுக்கொண்டார். 1970இல் இலண்டன், பேர்மிங்காம் பல்கலைக்கழகத்தில் நாடகத்துறையில் ஆய்வு நடாத்தி கலாநிதிப் பட்டம் பெற்றார். 1956 முதல் 1961 வரை கொழும்பு சாகிரா கல்லூரியில் ஆசிரியராக பணியாற்றி 1961 முதல் 1965 வரை பாராளுமன்ற சமநேர மொழிபெயர்ப்பாளராக பணிபுரிந்தார்.

1965 முதல் 1970 வரை கொழும்புப் பல்கலைக்கழகத்தில் உதவி விரிவுரையாளராகவும், 1970 முதல் 1975 வரை விரிவுரையாளராகவும், இணைப் பேராசிரியராகவும் பணியாற்றினார். 1978 ஆம் ஆண்டு தொடக்கம் சுமார் 17 ஆண்டுகள் யாழ்ப்பாணப் பல்கலைக்கழகத்தில் பணியாற்றினார். பின்னர் மட்டக்களப்பில் அமைந்துள்ள கிழக்குப் பல்கலைக்கழகத்தின் அழைப்பின் பேரில் இரண்டு ஆண்டுகள் அங்கு பணியாற்றினார். தொடர்ந்து தமிழாராய்ச்சி நிறுவனத்தின் வருகைப் பேராசிரியராகவும் பணி புரிந்தார்.

தமிழ், சமயம், மானுடவியல், அரசியல், சமுகவியல், நாடகம், வரலாறு, கவின்கலை சார்ந்த துறைகளில் தடம் பதித்தவர். பல்கலைக்கழகக் காலத்தில் மேடை நாடகங்களில் நடித்ததோடு பின்னர் வானொலி நாடகங்களிலும் நடித்தார். இலங்கையர்கோன் எழுதிய "விதானையார் வீட்டில்" தொடர் நாடகத்தில் இவரே முக்கிய பாத்திரத்தில் நடித்தார். எழுத்துலகில் ஆய்வுக்கட்டுரைகள், நூல்கள் உட்பட பல்வேறு துறைகள் சார்ந்து ஆங்கிலம், தமிழ் ஆகிய இரு மொழிகளிலும் எழுதியுள்ளார். இவர் தமிழக அரசின் விருது, இலங்கை ஜப்பானிய நட்புறவுக் கழக விருது ஆகியவற்றை பெற்றுள்ளார்.

இவற்றையும் பார்க்கவும்

இவரது நூல்கள்

வெளி இணைப்புக்கள்

சிவத்தம்பி, கார்த்திகேசு பற்றி தமிழ் விக்கிப்பீடியாவில்

வளங்கள்

நூலக எண்: 143 பக்கங்கள் 08-167
நூலக எண்: 10239 பக்கங்கள் 33-36
நூலக எண்: 4192 பக்கங்கள் 57-58
நூலக எண்: 16488 பக்கங்கள் 72-76
நூலக எண்: 1028 பக்கங்கள் 02-03
நூலக எண்: 2050 பக்கங்கள் 28-37
நூலக எண்: 2051 பக்கங்கள் 28-36

நூல்கள் [20,165] இதழ்கள் [17,463] பத்திரிகைகள் [69,570] பிரசுரங்கள் [1,367] நினைவு மலர்கள் [2,592] சிறப்பு மலர்கள் [7,252] எழுத்தாளர்கள் [8,997] பதிப்பாளர்கள் [7,210] வெளியீட்டு ஆண்டு [238] குறிச்சொற்கள் [127] வலைவாசல்கள் [25] சுவடியகம் [24] நிறுவனங்கள் [1,926] வாழ்க்கை வரலாறுகள் [3,398]

உங்கள் பங்களிப்புகளுக்கு