ஆளுமை:கல்யாணசுந்தரம், சின்னத்தம்பி

பெயர்	கல்யாணசுந்தரம், சின்னத்தம்பி
தந்தை	சின்னத்தம்பி
பிறப்பு	1930.12.22
ஊர்	இணுவில்
வகை	கலைஞர்
இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.

சி.கல்யாணசுந்தரம் (1930.12.22 - ) யாழ்ப்பாணம் இணுவிலைச் சேர்ந்த தவில் கலைஞர். இவரது தந்தை சின்னத்தம்பி. தனது இருபதாவது வயதிலிருந்தே தவில் இசைப்பதில் தேர்ச்சியும் ஆற்றலும் கொண்டிருந்த இவர் பரம்பரை வழியாக இவ் இசைத் தொழிலை மேற்கொண்டு வரும் ஒருவராவார். இவர் தனது பேரனான கந்தையாவிடமும், சிறிய தந்தையான கிருஷ்ண மூர்த்தியிடமும் யாழ்ப்பாணத்தைச் சேர்ந்த தவில் வித்துவான் பழனி. இணுவில் என்.ஆர்.சின்னராசா ஆகியோரிடமும் தவில் இசையை முறைப்படி கற்று பின்னர் இந்தியா சென்று தவிலிசையின் நுட்பங்களை தவில் கலைமாமணியான சண்முக சுந்தரம்பிள்ளையிடம் சிறப்புப் பயிற்ச்சிப் பெற்றார்.

இலங்கை திரும்பிய இவர் யாழ்ப்பாணம் அளவெட்டி அமரர் என்.கே.பத்மநாதனுடன் கூட்டாக இணைந்து தனது தவில் நிகழ்ச்சிகளை ஒழுங்குபடுத்தி செயற்பட்டு வந்தார். இவ்வாறு நிகழ்த்தப்பட்ட நிகழ்ச்சிகளின் வாயிலாக ஈழம் புகழ் தமிழ் வித்துவான் என்ற விருது இவருக்கு கிடைத்தது. பின்னர் இந்தியா சென்று 1970இல் ஷேக் சின்னமௌலானா ஏ.வி.செல்வரத்தினம் என்ற கலைஞர்களுடன் தவில் இசைத்து தவில் நாத பேரொளி என்ற விசேட விருதினையும் இவர் பெற்றுக் கொண்டார். மேலும் யாழ்ப்பாணம் நாச்சிமார் கோவிலடியிச் சேர்ந்த என்.கே.கணேஸ் என்பவருடன் தவில் வாசித்து லயஞான மணி என்ற விருதினையும் பெற்றுக் கொண்டார்.

யாழ்ப்பாணச் சமூக மட்டத்திலும், இலங்கையின் வெளி மாவட்டங்களிலும் தென்னிந்தியாவிலும், இசைத்துறையில் இவர் ஆற்றிய கலைப்பணியைப் பாராட்டி நல்லூர் பிரதேச கலாசாரப் பேரவை கலைஞானச்சுடர் என்ற விருதை 2008ஆம் ஆண்டு இவருக்கு வழங்கி கௌரவித்துள்ளது.

வளங்கள்

• நூலக எண்: 7571 பக்கங்கள் 94