ஆளுமை:சண்முகதாஸ், அருணாசலம்
| பெயர் | சண்முகதாஸ், அருணாசலம் |
| தந்தை | அருணாசலம் |
| தாய் | முத்தம்மாள் |
| பிறப்பு | 1910.02.01 |
| ஊர் | திருகோணமலை |
| வகை | எழுத்தாளர் |
| இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம். | |
|---|---|
அ.சண்முகதாஸ் (1910.02.01 - ) திருகோணமலையைப் பிறப்பிடமாகவும், திருநெல்வேலியை வாழ்விடமாகவும் கொண்ட ஓர் எழுத்தாளர். இவரது தந்தை பெயர் அருணாசலம், தாய் பெயர் முத்தம்மாள். இவர் தனது இளமைக் கல்வியை திருகோணமலையில் உள்ள பிரான்சிசு சேவியர் பள்ளியிலும், பின்னர் வந்தாறுமூலையில் (செங்கலடி) உள்ள அரசு கல்லூரியிலும், பின்னர் சிவானந்த வித்தியாலயத்திலும் பயின்றார். இவர் பேராதனைப் பல்கலைக்கழகத்தில் கலைமானி சிறப்பு பட்டம் பெற்றதோடு ஐக்கிய இராச்சியத்தின் எடின்பரோ பல்கலைக்கழகத்தில் மொழியியல் பட்டமும், கலாநிதிப்பட்டங்களையும் பெற்றார்.
பேராதனை, யாழ்ப்பாணம் ஆகிய பல்கலைக்கழகங்களில் விரிவுரையாளராக, பேராசிரியராக முதுநிலைப் பேராசிரியராக பணியாற்றிய இவர் யாழ்ப்பாணப் பல்கலைக்கழக கலைப்பீடாதிபதியாக பதில் துணைவேந்தராக பணியாற்றினார். இபாடன் பல்கலைக்கழகம், நைஜீரியா, கச்சுயின் பல்கலைக்கழகம் - ஜப்பான், மலாயா பல்கலைக்கழகம் ஆகிய வெளிநாட்டுப் பல்கலைக்கழகங்களிலும் வருகைதரு பேராசிரியராக பணியாற்றிய இவர் மானிய ஆனைக்குழுவால் யாழ் பல்கலைக்கழக உயர்பட்டப்பிடிப்புக்கள் முதல் பீடாதிபதியாக நியமிக்கப்பட்டவராவார்.
சண்முகதாஸ் அவர்கள் படிக்கும் காலத்திலும் பணிபுரிந்த காலத்திலும் பல விருதுகளை, பரிசுகளை வாங்கிப் பெருமை சேர்த்தவர். 1963 இல் ஆறுமுகநாவலர் விருது இலங்கைப் பல்கலைக் கழகத்தில் முதல் மாணவராகத் தேறிப் பெற்றதோடு 1987 இல் கொழும்புத் தமிழ்ச்சங்கத்தில் தமிழ்மொழி இலக்கண இயல்புகள் என்ற தம் நூலுக்காகச் சபாரத்தினம் நினைவுப்பரிசும் பெற்றார். மேலும் யாழ்ப்பாணப் பல்கலைக்கழகத்தில் இருபத்தைந்தாண்டுகள் தொடர்ந்து பணிபுரிந்தமைக்கு இரண்டு முறை பணப் பரிசு பெற்றவர். இவர் யுனெசுகோ விருது ஒன்றும், இலங்கை அரசின் சாகித்ய ரத்னா விருது ஒன்றும் பெற்ற பெருமைக்கு உரியவர்.
வளங்கள்
- நூலக எண்: 7571 பக்கங்கள் 68
