ஆளுமை:மகாலிங்கம், அப்பச்சி

பெயர்	மகாலிங்கம்
தந்தை	அப்பச்சி
தாய்	சிவக்கொழுந்து
பிறப்பு	1935.08.01
ஊர்	நவாலி
வகை	எழுத்தாளர்
இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.

மகாலிங்கம், அப்பச்சி (1935.08.01 - ) யாழ்ப்பாணம், நவாலியைச் சேர்ந்த எழுத்தாளர். இவரது தந்தை அப்பச்சி; தாய் சிவக்கொழுந்து. இவர் நவாலி அமெரிக்க மிஷன் பாடசாலையிலும் மூதூர் பாடசாலையிலும் மானிப்பாய் மெமோறியல் ஆங்கிலப் பாடசாலையிலும் வட்டுக்கோட்டை யாழ்பாணக் கல்லூரியிலும் கல்வி கற்றார்.

இவர் மாணவனாக இருக்கும் காலங்களிலேயே வீரகேசரி மாணவர் பகுதியில் சில குட்டிக் கதைகளை எழுதியுள்ளார். தொடர்ந்து இளஞாயிறு சஞ்சிகையில் ஆசிரிய பொறுப்பை ஏற்று வரதன் என்ற புனைபெயரில் பல ஆக்கங்களை எழுதி வந்தார். விடத்தல் தீவு சிரேஷ்ட பாடசாலை, முள்ளியவளை வித்தியானந்தக் கல்லூரி, காங்கேசன்துறை நடேஸ்வராக் கல்லூரி, அராலி இந்துக் கல்லூரி ஆசிரியராக கடமையாற்றி வந்த இவர் பாலசுப்பிரமணிய வித்தியாசாலையில் 01.01.1991இல் ஓய்வு பெறும் வரை தலமை ஆசிரியராக கடமையாற்றி வந்தார். பல சிறுகதைகளை எழுதியுள்ள இவர் வானொலி நாடகங்களையும் மேடை நாடகங்களையும் படைத்துள்ளார். இவர் அந்திரான் முருகமூர்த்தி கோவில் நிருவாக சபை உறுப்பினராகவும் செயலாளராகவும் தலைவராகவும் பொருளாளராகவும் கடமை வகித்துள்ளார்.

வளங்கள்

• நூலக எண்: 15514 பக்கங்கள் 204-207