ஆளுமை:இராமலிங்கம், கந்தையாபிள்ளை

பெயர்	இராமலிங்கம், கந்தையாபிள்ளை
தந்தை	கந்தையாபிள்ளை
தாய்	தங்கமுத்து
பிறப்பு	1880.11.08
இறப்பு	1953.06.14
ஊர்	சரசாலை
வகை	எழுத்தாளர், கலைஞர்
இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.

க. இராமலிங்கம் (1980.11.08 - 1953.06.14) யாழ்ப்பாணம் சரசாலையைப் பிறப்பிடமாகக் கொண்ட எழுத்தாளர். இவரது தந்தை கந்தையாபிள்ளை; தாய் தங்கமுத்து. இவர் இளமையிலே உரையாசிரியர் ம.க.வேற்பிள்ளை அவர்களின் திண்ணைப் பள்ளியில் தமிழும், யாழ்ப்பாண இந்துக் கல்லூரியில் ஆங்கிலமும் படித்து வந்தார். நீராவியடியில் அக்காலத்தில் வாழ்ந்து கொண்டிருந்த வேதாரணியம் ஐயசாமிக் குருக்களிடம் இசைக் கலையைப் பயிலத் தொடங்கி இசைத் தமிழ் வல்ல புத்துவாட்டிச் சோமசுந்தரம் அவர்களிடம் முறையாக பயின்று மிகுந்த தேர்ச்சி பெற்றார்.

அக்காலத்தில் யாழ்ப்பாணத்தில் நிறுவப்பட்ட சரஸ்வதி விலாச சபையில் 1914ஆம் ஆண்டு தொடங்கி 1925 ஆண்டுகள் வரை அளவற்ற தொண்டுகள் ஆற்றிக் கொண்டிருந்தார். மட்டுவில் வடக்கு கமலாசினி வித்தியாசாலை என்னும் சைவப் பாடசாலை இவரது பெருமுயற்சியினால் நிறுவப்பட்டதாகும். இவர் நமசிவாயம் அல்லது நான் யார்? என்னும் பெயருடன் சமய நாடக நூல் ஒன்றினை வெளியிட்டுள்ளதோடு பல்லாயிரக்கணக்கான பாடல்களையும் கீர்த்தனைகளையும் இயற்றியுள்ளார்.

வளங்கள்

• நூலக எண்: 963 பக்கங்கள் 45-46