ஆளுமை:ரமணி

பெயர்	ரமணி
பிறப்பு	1942
ஊர்	அளவெட்டி
வகை	ஓவியவர்
இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.

சுப்பிரமணியம் என்ற புனைப்பெயரைக் கொண்ட ரமணி அவர்கள் யாழ்ப்பணம் அளவெட்டியைப் பிறப்பிடமாகக் கொண்ட ஓர் ஒவியர், சிற்பக் கலைஞர். இவர் எஸ்.பொன்னம்பலம், மாற்கு என்பவர்களிடம் தன் ஆரம்ப கால ஓவிய பயிற்சியைப் பெற்று பின்னர் விடுமுறைக்கால ஓவியர் கழகத்தில் 1960 - 64ஆம் ஆண்டு காலப் பகுதிகளில் பெற்றதோடு பின்னர் அரசினர் நுண்கலைக் கல்லூரியிலும் 5 வருட காலம் பயிற்சி பெற்றவராவார். ஓவியம் மற்றும் சிற்பத் துறையில் ஏராளமான படைப்புக்களை உருவாக்கியுள்ளதோடு மட்டுமல்லாது இவர் தனக்கேயுரிய பாணியில் தடம் பதித்துத் தனியிடம் பெற்றவராவார்.

பெயர் பெற்ற சிற்பங்கள் பலவற்றைப் படைத்துள்ள ரமணி அவர்கள் அவற்றின் உருவ நேர்த்திக்காகவும் கூட்டொழுங்கமைவிற்காகவும் பெயர் பெற்றவர். யாழ் பல்கலைக்கழகத்தில் தற்போது வருகை விரிவுரையாளராகப் பணிபுரியும் இவர் ஓய்வு பெற்ற ஓவிய உதவிக் கல்விப் பணிப்பாளர் ஆவார்.

வளங்கள்

• நூலக எண்: 2970 பக்கங்கள் 40-41

வெளி இணைப்புக்கள்

• ஓவியற் ரமணி பற்றி சி.சுதர்சன்