ஆளுமை:இராசநாயகம், கந்தையா

பெயர்	இராசநாயகம், கந்தையா
தந்தை	கந்தையா
பிறப்பு	1944.06.12
ஊர்	பெரியவிளான்
வகை	கலைஞர்
இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.

க.இராசநாயகம் (1944.06.12 - ) யாழ்ப்பாணம் பெரியவிளானைப் பிறப்பிடமாகவும், அரியாலையை வசிப்பிடமாகவும் கொண்ட கலைஞர். இவரது தந்தை கந்தையா. மிருதங்கம், தபேலா, டொல்கி, டோல், தவில், கெஞ்சிரா, உடுக்கு, உறுமி போன்ற வாத்தியக் கருவியை உருவாக்கி கொடுத்தலும், திருத்தங்கள் செய்வதும் இவரது தொழிற் செயற்பாடாகும். அத்தோடு இவ் இசைக் கருவிகளை இசைக்கும் ஆற்றலும் இவருக்கு உண்டு. இலங்கை அரசின் கட்டடப் பொருட்கள் கூட்டுத்தாபனத்தின் சிற்றூழியராகவும் இவர் பணியாற்றியுளார்.

இவர் தச்சுத் தொழில் ஆற்றல் உள்ளவராக விளங்கியமையால் மரக் கொட்டுகளைக் கடைந்து அதில் மிருகங்களின் தோலினை இணைத்து வாத்திய இசைக் கருவிகளை உருவாக்கி விற்பனை செய்து வந்தார். சங்கீத இசைஞானமின்றி கேள்விஞானத்தைப் பின்பற்றி தனது செயற்பாட்டினை மெற்கொண்டு வந்த இக் கலைஞர் இசை நாடகங்கள், நாட்டுக்கூத்துக்கள், சின்ன மேளக் கச்சேரிகள், இசைக்கச்சேரிகள் போன்றவற்றிற்கு பக்கவாத்தியம் இசைத்து வருகிறார்.

தனது கலைச்சேவைக்காக பல இடங்களில் பாராட்டும், கௌரவமும் பெற்றிருக்கும் இவர் 2004ஆம் ஆண்டு வடக்கு கிழக்கு மாகாண கைத்தொழில் கண்கட்சியில் இவரால் செய்யப்பட்ட இரண்டு வாத்தியங்களுக்கு முதலாமிடத்திற்கன சான்றிதழும், வேறு ஒரு வாத்தியக் கருவிக்கு இரண்டாம் இடத்திற்கான சான்றிதழும் பெற்றுக் கொண்டார்.

வளங்கள்

• நூலக எண்: 7571 பக்கங்கள் 101