ஆளுமை:திருஞானசம்பந்தன், இராசையா

பெயர்	திருஞானசம்பந்தன்
தந்தை	இராசையா
பிறப்பு	1946.07.04
ஊர்	திருநெல்வேலி
வகை	கலைஞர், ஓதுவார்
இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.

திருஞானசம்பந்தன், இராசையா (1946.07.04 - ) யாழ்ப்பாணம், திருநெல்வேலியைச் சேர்ந்த பண்ணிசைக் கலைஞர், ஓதுவார். இவரது தந்தை இராசையா. இவர் தமிழகம் திருப்பணத்தாள் ஆதீனத்தில் பேராசிரியர் க. வெள்ளைவாரணனிடம் பயின்று 1975 ஆம் ஆண்டு கொக்குவில் இந்துக்கல்லூரியில் ஆசிரியராகவும் 1979 ஆம் ஆண்டு கொழும்புத்துறை அரசினர் ஆசிரியர் பயிற்சிக் கலாசாலையில் போதனாசிரியராகவும் பணியாற்றினார். அதன் பின்னர் நல்லை திருஞான சம்பந்தர் ஆதீனத்தில் ஓதுவாராக விளங்கினார். 2002 ஆம் ஆண்டு இலங்கை நீதி அமைச்சினால் சமாதான நீதவானாக நியமனம் பெற்றார்.

இலங்கை, இந்தியா, மலேசியா ஆகியவற்றில் பண்ணிசைக் கச்சேரிகள் நிகழ்த்தியுள்ள இவருக்கு நல்லை ஆதீனம், கைதடி ஶ்ரீ சச்சிதானந்த ஆச்சிரமம், திருவாடுதுறை ஆதீனம் ஆகியவை பண்ணிசை வேந்தர், அருளிசை அரசு, தெய்வத் தமிழிழைச் செல்வர் ஆகிய பட்டங்களை வழங்கிக் கௌரவித்துள்ளது. அத்துடன் இந்து சமய கலாச்சார அமைச்சு 2001 ஆம் ஆண்டு கலைஞான கேசரி விருதையும் இந்து சமய கலாச்சார அலுவல்கள் திணைக்களம் 2002 ஆம் ஆண்டு கலாபூஷணம் விருதையும் திருமுருக கிருபானந்தவாரியாரால் 1984 இல் திருமுருக வித்தகர் என்னும் பட்டமும் வழங்கிக் கௌரவிக்கப்பட்டார். இவரின் கலைப்பணியைப் பாராட்டிக் கலைஞானச்சுடர் விருதினை நல்லூர் கலாச்சாரப் பேரவை 2005 ஆம் ஆண்டு வழங்கியுள்ளது.

வளங்கள்

• நூலக எண்: 7571 பக்கங்கள் 108
• நூலக எண்: 15444 பக்கங்கள் 69-70