ஆளுமை:வரதராசன், சண்முகம்

இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.
பெயர்	வரதராசன்
தந்தை	சண்முகம்
தாய்	சின்னத்தங்கம்
பிறப்பு	1924.07.01
இறப்பு	2006.12.21
ஊர்	பொன்னாலை
வகை	எழுத்தாளர்

வரதராசன், சண்முகம் (1924.07.01 - 2006.12.21) யாழ்ப்பாணம், பொன்னாலையைச் சேர்ந்த எழுத்தாளர். இவரது தந்தை சண்முகம்; தாய் சின்னத்தங்கம். இவர் பொன்னாலை அமெரிக்க மிசன் தமிழ்ப் பாடசாலை, மூளாய் சைவப்பிரகாச வித்தியாசாலை, சுழிபுரம் ஐக்கிய சங்க வித்தியாசாலை, காரைநகர் சுப்பிரமணிய வித்தியாசாலை ஆகிய பாடசாலைகளில் கல்வி கற்றார். பதின்னைந்து வயதிலிருந்து எழுதத் தொடங்கிய இவர், வரதர் என்ற புனைபெயரில் சிறுகதை, புதுக் கவிதை, குறுநாவல், இதழியல், பதிப்புத்துறை என இலக்கியத்தின் பலதுறைகளிலும் முத்திரை பதித்தவர். ஈழத்து இலக்கியத்தில் மறுமலர்ச்சி எழுத்தாளர் என அழைக்கப்பட்டவர்.

இவரது முதற் சிறுகதையான கல்யாணியின் காதல் ஈழகேசரியிலும் முதற் சிறுகதைத் தொகுதியான கயமை மயக்கம் 1960 இலும் வெளியானது. இவர் ஆனந்தன், தேன் மொழி, வெள்ளி, புதினம், அறிவுக் களஞ்சியம் ஆகிய இதழ்களை நடத்தியதுடன் நாவலர், வாழ்க நீ சங்கிலி மன்னா, மலரும் நினைவுகள், பாரதக்கதை, யாழ்ப்பாணத்தார் கண்ணீர், சிறுகதை பட்டறிவுக் குறிப்புகள் ஆகிய நூல்களை எழுதினார். இலங்கையில் 'தமிழிலக்கிய மறுமலர்ச்சிச் சங்கம்' உருவாவதற்கு காரணமாக இருந்தவர்களில் இவரும் ஒருவர். மறுமலர்ச்சி சஞ்சிகையின் (1946 - 1948) ஆசிரியர் குழுவில் ஒருவராவார். 1943 இல் இவர் எழுதிய ஓர் இரவினிலே என்னும் வசனக் கவிதையே ஈழத்தின் முதற் புதுக்கவிதை எனப்படுகிறது.

இவர் தனது "வரதர் வெளியீடு" மூலம் பல நூல்களை வெளியிட்டுள்ளார். பண்டிதமணி சி. கணபதிப்பிள்ளையின் இலக்கிய வழியே வரதர் வெளியீடாக வெளிவந்த முதல் நூலாகும். இவருக்கு இலங்கைக் கலைக்கழகம் சாகித்திய இரத்தினம் பட்டத்தை அளித்தது

இவற்றையும் பார்க்கவும்

இவரது நூல்கள்

வெளி இணைப்புக்கள்

வரதராசன், சண்முகம் பற்றி தமிழ் விக்கிப்பீடியாவில்

வளங்கள்

நூலக எண்: 300 பக்கங்கள் 01-25, 59-60
நூலக எண்: 4428 பக்கங்கள் 410
நூலக எண்: 15515 பக்கங்கள் 31-33
நூலக எண்: 15514 பக்கங்கள் 133-139
நூலக எண்: 16488 பக்கங்கள் 45-47
நூலக எண்: 1024 பக்கங்கள் 02-03
நூலக எண்: 1024 பக்கங்கள் 22-24
நூலக எண்: 2043 பக்கங்கள் 23-32
நூலக எண்: 2047 பக்கங்கள் 38-40

நூல்கள் [18,789] இதழ்கள் [16,839] பத்திரிகைகள் [67,525] பிரசுரங்கள் [1,329] நினைவு மலர்கள் [2,324] சிறப்பு மலர்கள் [6,907] எழுத்தாளர்கள் [8,414] பதிப்பாளர்கள் [6,754] வெளியீட்டு ஆண்டு [238] குறிச்சொற்கள் [125] வலைவாசல்கள் [25] சுவடியகம் [24] நிறுவனங்கள் [1,879] வாழ்க்கை வரலாறுகள் [3,354]

உங்கள் பங்களிப்புகளுக்கு