ஆளுமை:நடராசா, பிரான்சிஸ் சேவியர் செல்லையா

இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.
பெயர்	நடராசா
தந்தை	பிரான்சிஸ் சேவியர் செல்லையா
தாய்	சிவகாமிப்பிள்ளை
பிறப்பு	1911.07.21
இறப்பு	1997.03.16
ஊர்	காரைநகர்
வகை	எழுத்தாளர்

நடராசா, பிரான்சிஸ் சேவியர் செல்லையா (1911.07.21 - 1997.03.16) யாழ்ப்பாணம், காரைநகரைச் சேர்ந்த எழுத்தாளர், மகாவித்துவான். இவரது தந்தை பிரான்சிஸ் சேவியர் செல்லையா; தாய் சிவகாமிப்பிள்ளை. இவர் காரைநகர் அம்பலச் சட்டம்பியார், சுழிபுரம் அதிபர் சு. சிவபாதசுந்தரம், காரைநகர் உடையார் நாகலிங்கம், காரைநகர் சபாபதிப்பிள்ளை ஆகியோரிடம் தமிழ் இலக்கண இலக்கியங்களைக் கற்றுப் பின்னர் சுவாமி விபுலானந்தரைக் குருவாகக் கொண்டு பாலபண்டிதம் கற்றார். இவர் மட்டக்களப்புக் கத்தோலிக்கப் பாடசாலையில் ஞானச் சகோதரர்களின் ஆதரவில் வளர்ந்ததோடு அருட் சகோதரர் இன்னாசிமுத்து, அருட் சகோதரர் பிலிப்பு ஆகியோரிடமும் கற்றார்.

இவர் ஆசிரியராக, அதிபராக, ஆசிரியர் கலாசாலை விரிவுரையாளராக, அரச கருமமொழித் திணைக்கள ஆராய்ச்சி உத்தியோகத்தராக, கல்வித்திணைக்கள மொழிபெயர்ப்பு அத்தியட்சகராகப் பணியாற்றியதுடன் சைவம், கிறிஸ்தவம், இஸ்லாம் ஆகிய சமயங்களைச் சார்ந்த இலக்கியம், இலக்கணம், வரலாறு தொடர்பான 21 நூல்களை எழுதியுள்ளார்.

இவரது நூல்களுள் எண்ணெய்ச் சிந்து, ஈழமும் தமிழும், இலங்கைச் சரித்திரம், மொழி பெயர்ப்பு மரபு, ஈழத்து நாடோடிப் பாடல்கள், ஈழத்துத் தமிழ் நூல் வரலாறு, ஐந்திலக்கணத் தொன்னூல் விளக்கம் (சொல்லதிகாரம்), தி. த. கனகசுந்தரம்பிள்ளை, போசராசப் பண்டிதர் இயற்றிய சரசோதிமாலை, காரைநகர் மான்மியம், கண்ணகி வழக்குரை, நாவலர் பெருமான் வாழ்க்கைக் குறிப்புக்கள், ஸ்ரீமத் சுவாமி் விபுலானந்த ஜீ, விபுலானந்தர் மீட்சிப் பத்து, நன்னூற் காண்டிகை உரையும் நாவலர் பெருமானும், மட்டக்களப்பு மக்கள் வளமும் வாழ்க்கையும், மட்டக்களப்பு மான்மியம் போன்றனவும் குறிப்பிடத்தக்கதாகும்.

இவரது மட்டக்களப்பு மான்மியம் நூல் இலங்கை சாகித்ய மண்டலப் பரிசு பெற்றது. இவர் மட்டக்களப்புக் கலாச்சாரப் பேரவையினால் 'மகாவித்துவான்' என்ற பட்டத்தைப் பெற்றுள்ளதோடு 1991 இல் சாகித்திய மண்டல விழாவில் 'இலக்கியச் செம்மல் விருதையும் இலங்கை அரசால் 'கல்லூரி' விருதையும் பெற்றுள்ளார். மேலும் இவர் 1995 இல் நடைபெற்ற கம்பன் விழாவில் 'கம்பனடிப் பொடி சா. கணேசன்' நினைவுப் பரிசை கம்பன் கழகத்தால் பெற்றுள்ளார்.

இவற்றையும் பார்க்கவும்

இவரது நூல்கள்

வெளி இணைப்புக்கள்

நடராசா, எஃப். எக்ஸ். சி. பற்றி தமிழ் விக்கிப்பீடியாவில்

வளங்கள்

நூலக எண்: 3769 பக்கங்கள் 335
நூலக எண்: 4413 பக்கங்கள் 08-14
நூலக எண்: 15515 பக்கங்கள் 72

நூல்கள் [20,133] இதழ்கள் [17,443] பத்திரிகைகள் [69,533] பிரசுரங்கள் [1,365] நினைவு மலர்கள் [2,582] சிறப்பு மலர்கள் [7,241] எழுத்தாளர்கள் [8,977] பதிப்பாளர்கள் [7,189] வெளியீட்டு ஆண்டு [238] குறிச்சொற்கள் [127] வலைவாசல்கள் [25] சுவடியகம் [24] நிறுவனங்கள் [1,926] வாழ்க்கை வரலாறுகள் [3,398]

உங்கள் பங்களிப்புகளுக்கு