ஆளுமை:நாகலிங்கம், இராசையா

இந்த பக்கத்தில் ஏதேனும் திருத்தங்கள் செய்யப்பட வேண்டுமாயின் அல்லது மேலதிக விபரங்கள் இணைக்கப்பட வேண்டுமாயின் noolahamfoundation@gmail.com என்ற மின்னஞ்சலுக்கு எழுதலாம்.
பெயர்	நாகலிங்கம்
தந்தை	இராசையா
தாய்	தங்கப்பிள்ளை
பிறப்பு	1935.03.06
இறப்பு	2014.01.12
ஊர்	மட்டக்களப்பு, ஆரையம்பதி
வகை	எழுத்தாளர்

நாகலிங்கம், இராசையா (1935.03.06 - 2014.01.12) மட்டக்களப்பு, ஆரையம்பதியைச் சேர்ந்த எழுத்தாளர். இவரது தந்தை இராசையா; தாய் தங்கப்பிள்ளை. இவர் ஆரம்பக்கல்வியை மட்டக்களப்பு ஆரையம்பதி இராமகிருஷ்ண வித்தியாலயத்திலும் இடைநிலை, உயர்தரக்கல்வியை மட்டக்களப்பு காத்தான்குடி மத்திய கல்லூரியிலும் பெற்றார்.

1952 இல் கல்வித்திணைக்கள எழுதுவினைஞராகத் தனது பணியை ஆரம்பித்த இவர், 1981 இல் இலங்கை நிர்வாக சேவைப் போட்டிப்பரீட்சையில் சித்தியடைந்து களுவாஞ்சிக்குடி உதவி அரசாங்க அதிபர், மட். கச்சேரி தலைமையக உதவி அரசாங்க அதிபர், வடக்கு, கிழக்கு மாகாண சபை உள்துறை உதவிச் செயலாளர் முதலிய பதவிகளை வகித்து ஆளுநர் செயலகத்தின் மூத்த உதவிச் செயலாளராகப் பணியாற்றி ஓய்வு பெற்ற பின்பு முன்னாள் பாராளுமன்ற உறுப்பினர் செல்வி தங்கேசுவரி கதிராமனின் செயலாளராகப் பணியாற்றினார்.

இவர் அன்புமணி’ என்னும் புனைபெயரில் எழுத்துலகில் அறிமுகமானதுடன் அருள்மணி, தமிழ்மணி ஆகிய பெயர்களிலும் எழுதியுள்ளார். இவரின் முதல் ஆக்கமான ‘கிராம்போன் காதல்’ கல்கி இதழில் 1954 இல் பிரசுரமானதிலிருந்து 500 இற்கும் மேற்பட்ட சிறுகதைகள், கவிதைகள், கட்டுரைகள், விமர்சனங்கள், ஆய்வுக் கட்டுரைகள், நாடகங்கள் ஆகியவற்றை எழுதியுள்ளார். இல்லத்தரசி, வரலாற்றுச் சுவடுகள், ஒரு தந்தையின் கதை, தமிழ் இலக்கிய ஆய்வு 2007 முதலானவை இவரது படைப்புக்களாகும்.

இவர் இலக்கியப் பணியில் தனது அன்பு வெளியீட்டகம் மூலம் பிற எழுத்தாளர்களின் நூல்களை வெளியிடுவதோடு அதற்கான உதவிகளையும் செய்துள்ளார். இவர் சாகித்தியமண்டலப் பரிசு, தமிழ்மணி, வடக்கு -கிழக்கு ஆளுனர் விருது, கலாபூசணம் விருது ஆகியவற்றைப் பெற்றுள்ளமை குறிப்பிடத்தக்கது.

வெளி இணைப்புக்கள்

நாகலிங்கம், இராசையா பற்றி தமிழ் விக்கிப்பீடியாவில்

வளங்கள்

நூலக எண்: 300 பக்கங்கள் 128-129
நூலக எண்: 3771 பக்கங்கள் 139-140
நூலக எண்: 1858 பக்கங்கள் 90-97
நூலக எண்: 13844 பக்கங்கள் 100-103
நூலக எண்: 15514 பக்கங்கள் 359
நூலக எண்: 2079 பக்கங்கள் 05-09
நூலக எண்: 8164 பக்கங்கள் 08-11

நூல்கள் [18,789] இதழ்கள் [16,839] பத்திரிகைகள் [67,525] பிரசுரங்கள் [1,329] நினைவு மலர்கள் [2,324] சிறப்பு மலர்கள் [6,907] எழுத்தாளர்கள் [8,414] பதிப்பாளர்கள் [6,754] வெளியீட்டு ஆண்டு [238] குறிச்சொற்கள் [125] வலைவாசல்கள் [25] சுவடியகம் [24] நிறுவனங்கள் [1,879] வாழ்க்கை வரலாறுகள் [3,354]

உங்கள் பங்களிப்புகளுக்கு